MusikkontorPiano Centrum Rostockakkordeon24.com

wir über uns

Das Musikkontor in Rostock bietet Ihnen ein umfangreiches Sortiment an Noten, Musikliteratur, Orchestermaterial, Blas-, Schlag- und Saiteninstrumenten sowie Zubehör. Eine große Auswahl vom Schülerinstrument bis hin zum anspruchsvollen Soloinstrument namhafter Hersteller erfüllen die Ansprüche von Profis und Einsteiger. Das Testen und Anspielen von Instrumenten ist für uns eine Selbstverständlichkeit. Ganz gleich ob Kauf, Finanzierung oder Vermietung (Saxophon schon ab 24,- €), unsere Dienstleistungs- und Serviceangebote helfen Ihnen bei fast jedem Problem.

Eine Kundin über uns

»Berta Footh« im Warnow Kurier vom 19. August 2007.

De beiden finnen allens! Berta Footh meent: 718. Folge. Nee, dat sünd keine Detektive, dat sünd de beiden Experten in dat „Musikkontor Kreutzer“ inne Lange Strat 13. Ik köff dor af un an 'ne Diskette mit Musik, wenn ik wat in't Radio hüürt heff, wat mi gaut geföll. Un dor licht all de Haken - ik heff de Titel, de Sänger un den Komponisten bloots hüürt, nich seihn, un harrok nich ümmer Stift un Popier dorbi... Un dat kann kumplizeert warden. Dat vörletzte Mal wier ik midden in de Sendung „rinnefollen“. Ik harr grad noch mitkregen, dat de Dichter un Komponist 'n Englänner üm 1600 wier, John Dowland, un de Sänger süng süss ganz annere Saken, Rock un Jazziges??? Kein Problem: „Dat wier Sting, E. Karamazov späält dortau Laute, un de CD heit ‚Songs from the Labyrinth‘ - möt bestellt warden, dauert 'n bäten.“ Un so wier dat ok. Dor sünd alle Texte bi - un wer 'ne düütsche Version hebben mücht, kann sei in't Internet finnen. Allens Leeder oewer de Leiw, vull Gefäuhl, oewer nich gefaühlvull, wenn Sei wetten, wat ich meen. Dat hett sik lohnt. Annermol harr ik bi twei Sendungen vun den Bariton sienen Nachnamen ümmer „Ger-haha“ verstahn. Hei süng Schumann un Schubert, un ik harr sogor vergeblich bi'n bekannten Dirigenten nahfröcht, wer dat sien künn. Denn hei harr Robert Schumann (de mi in dat Schumann-Johr als Leederkomponist mit Heines „Dichterliebe“ wat oewerhaalt vörkamen wier) för mi „rehabiliteert“: hei nähm den sentimentalen Anstrich wech, mit den de annern dat süngen. - Tauierst müssten ok de beiden passen. Oewer as ik grad wedder tau Hus wier, keem all'n Anrop: „Sei menen Christian Gerhaher!“ Un nu is de CD all ünnerwägens. Bi Kreutzer gifft dat ok Pianos (tau günstige Bedingungen) un annere Instrumenten - Gitarren vun nägentig bet oewer dusend Euro, ok Blockfleuten un Klarinetten -, oewer dor bün ik nu doch all tau olt för. Un denn hebben sei Noten - för Solisten un ganze Orchester. De kosten natürlich ehren Pries, un dorüm leihnen sik väle Theater Noten ut. „Oewer“, hett mi Herr S. verkloort, „wenn sowat späält ward, denn ward ok ümmer'n bäten wat dortauschräwen, wenn de Dirigent dat Tempo bestimmt, orrer wenn inne Oper wat wechföllt - wer de Noten denn as Vierter kricht, de kann dorbi all dörchlein kamen.“ Dörum besorgt dat Kontor ok Noten, wur sei äben günstig tau köpen sünd, sogor ut de USA un sei hebben Kunnen in ganz Düütschland un noch wieder her. Rinkieken lohnt sik. Berta Footh.
Piano Centrum Rostock | akkordeon24.com · Impressum | AGB